Wies'n-Geflüster 2009
Host daß scho g'hört !?
Armer Bruno
 |
De Leit hom gsogt, das da Bär selber schuid is wenn er sie nach Bayern verlaft. Entweder werda daschossn oder dahängt... Ob der Bär a in a Museum kimmt? |
Feiern für an guadn Zweck
|
|
|
De Leit hom g´sogt, dass am Losstand scheinbar de Sektkorken aussganga san, do hod da Festausschuss gsogt dass des koa Problem is denn bis morge´n in da Fria hom´s des locka beianand. Scheinbar hom´s as leider ned gschafft wei a paar fehl´n ja no!!! Und da Festausschuss seibst hod sie hait a no ned seng lass'n. |
Wer braucht scho a Bühne?
 |
De Leit hom gsogt, dass am Montag so vui fesche Madln im Bierzelt warn, dass de Kappele Grenzgänger liaba direkt auf de Disch ois auf da Bühne gspuit ham... |
Mit Bräu im Moos is wos los
 |
De Leit hom gsogt, dass da Braumosta spät Nacht´s no an Durst khabt hod uns wos zum tringa aus´m Kühlhenga hoin woid. Do is eam de Tür so blead zuagfoin,dass a eigspart war. Do hod er an Platzwart auf´n Händi ogrufa, dass der eam befreit. Andre Leit hät´n Sie üba a Nocht im Bierlaster gfreit... |
|
Foisch aufbaut
 |
De Leit hom gsogt, das de Rottaler am Sonntog kemma san und ham de Musikanlage vom Feszeit ned gseng.
Aber des is ja a koa Wunder, weil de Leit vom Wfv de klona Lautsprecha ins Zeit ghengt ham und de großn hams unter da Bühne versteckt. Jetzt ham´s ihre eigenen Lautsprecher aufbaut , aber de warn a´so dermaßn im Weg, daß da Wirt gsagt hod, bevor da große Ansturm kimmt und des Zeit voi werd muaß des wieda abbaut sei. Danoch war aber ois guad und die stimmung hod so ozong das auf da bühne sogar no an ventilator bracht hom…. |
Da Rudi
 |
De Leit hom gsogt, daß da Rudi von da Weißbierbar mehr gfui fürn Zapfhan hod ois wie für a Tür. |
Raserei auf da Wies´n
 |
Oiso, de Leid ham gsogt das ma des Jahr auf da Wies´n a Geschwindigkeitsbegrenzung beim Autoscooter hom. Wennst tschnell bist, blitzn´s die und Du griagst do a Punkte, und de koma dann am Losstand eidauschn... |
da Wiat soi jo eigsogt ham...
 |
... das da Bugamosta doch bitte ned so a Sauerei wia letzt´s Jahr macha soi, wei des Bier vui tzschod zum vaschütt´n is. Da Braumoasta hod a gmoant, das a doch wia da WFV-Präsi bei der Birprob ozapfa soi. Ganz hod as ja ned gschafft. Aba bessa wie letzt´s Jahr wos. Bei wema do woi in da Lehr war? |
Olle Jahr wieda...
 |
...kimmt da Bierfahrer und moant dass er des Recht hot o zum zapfn. Bloss leida hod a wida aramoi ned des Faßl sondern an Hydrantn dawischt. Hoffentlich kimmt heit Omnd beim Bürgamoasta a Bier und koa Wassa... Wart ma moi ob...
|
